Barrutlada en Irlanda e en Gallas

• Date de parution : 13/11/2014
• Editeur : Editions Des Regionalismes
• EAN : 9782824004440
• Série : (-)
• Support : Papier

• Nombre de pages : 188
• Collection : AU VIU LEUPARD
• Genre : Autres langues
• Thème : Ouvrages de littérature autres langues
• Prix littéraire(s) : (-)

En junh e julhet de 2013, Sèrgi Viaule partis amb son auto-caravana sus las rotas d'Irlanda. Que plòga, que vente o que faga bèl temps, cada jorn notarà sas impressions e sas « aventuras » sus un quasernet. Pendent mai d'un mes va viatjar dins lo pais marcat del trefuèlh. Dins aquel raconte nos... Voir plus

En junh e julhet de 2013, Sèrgi Viaule partis amb son auto-caravana sus las rotas d'Irlanda. Que plòga, que vente o que faga bèl temps, cada jorn notarà sas impressions e sas « aventuras » sus un quasernet. Pendent mai d'un mes va viatjar dins lo pais marcat del trefuèlh. Dins aquel raconte nos convida a trevar las landas pauc o pro salvatjas del territòri de la nacion cèlta mai occidentala. A virar a l'entorn de sos milanta lacs, totes mai romantics los unes que los autres. A bordejar sos rius mitics ont se veson nadar los salmons contra subèrna. E benlèu a s'enfangar dins sas torbièras a l'encòp sornas e luminosas. Nos prepausa de lo seguir al grat dels camins bartassièrs que traçan l'isla verda. A descobrir mai que mai un art de viure ont los pubs espitalièrs fan lo fachin d'aquel pais de tradicions. Dins aquela cronica, es amb estrambòrd, emocion e umor que l'autor albigés nos conta son « torn d'Irlanda e de Gallas » motorizat. Nos porgis un raconte gaujós ont qualques còps la suspresa o peltira a l'encantament. O fa dins una lenga viva e sensibla que conven a plec a n'aquesta mena d'exercici literari, encara tròp rar en occitan. Enfin, una escritura que buta al sòmi e al viatge !

Sèrgi Viaule, es nascut en 1950 en Albigés, a fòrça escrich. Escrivan descobèrt per las Edicions dels Regionalismes. Poe-sias, contes, racontes, romans e novèlas dels sius son ja pareguts. Na Balfet foguèt son primièr roman publicat, lèu seguit per La venjança de N'Isarn Cassanha. S'es tanben especializat dins la traduccion en òc d'òbras majas de la literatura estrangièra.